COMPETICION

28 Xul 2024

Arraun Lagunak conquistou a XIII. Bandeira Euskotren

Tolosaldea marcou unha grande diferenza a respecto das súas rivais na primeira quenda, pero as líderes foron máis rápidas.

Arraun Lagunak levou a XIII Bandeira Euskotren en Lekeitio, acabando nun tempo de 11:20.68. Tolosaldea foi segunda: hoxe competiu na primeira quenda, e malia poñer nun apuro ás líderes, pararon o crono con 5 segundos de retraso. O terceiro e cuarto posto foi para Donostiarra e Orio, que remataron o traballo nun tempo de 11:38,56 e 11:43,00, respectivamente.

Esta é a clasificación da Liga Euskotren: Arraun Lagunak ten unha clara vantaxe con 80 puntos, pero as cousas están moi axustadas nas seguintes posicións. Tolosaldea e Orio teñen ambas 59 puntos, mentres que a Donostiarra ten 58.

Enésima exhibición de Bermeo Urdaibai en Lekeitio
Bermeo Urdaibai ofreceu hoxe a súa enésima exhibición en Lekeitio, levando a XXXIX El Correo Ikurrina. O líder parou o crono nun tempo de 20:32,85 e necesitou 17 segundos menos que Donostiarra, que finalizou na segunda posición. A respecto do terceiro posto, as cousas estiveron moi apertadas entre Hondarribia e Zierbena, mais ao final os verdes foron os máis rápidos. Os homes de Mikel Orbañanos remataron nun tempo de 21:07,24 e os de Daniel Pérez en 21:07,64.

Bermeo Urdaibai segue no primeiro chanzo da Eusko Label, con 117 puntos. Zierbena é a segunda con 106 puntos, mentres que Orio e Donostiarra suman 90 puntos.

Voltar