Albisteak 2017
BEREZIAK
13 Ira 2017
Dena erabakitzeko
Udalerri bizkaitarrak jasoko ditu larunbat honetan 18.00etatik aurrera Eusko Label Ligako igoera playoff-a eta Bermeo Hiriko XXXV. Bandera
Asteburu honetan Eusko Label Ligako denboraldi honi amaiera emango zaio eta gauza asko daude oraindik erabakitzeko, eta ez CaixaBank Koroarengatiko lehian bakarrik. Larunbateko arraun hitzordua 18.00etan hasiko da Eusko Label Ligako igoera playoff-eko lehen jardunaldiarekin, non Ares, S.D. Samertolameu, C.R. Puebla, Donostiarra eta Santurtzi Iberdrolak arraunaren maila gorenean postu baten bila arituko diren. Hauen ondoren, Eusko Label Ligako lehen zortzi sailkatuek Bermeo Hiriko XXXV. Bandera lehiatuko duten. Ondarroa Cikautxo, Tirán Pereira, San Juan Sumelec eta Zierbena Bahías de Bizkaia izango dira lehen txandan; eta Kaiku Producha, Orio Babyauto, Hondarribia eta Urdaibai Avia bigarrenean.
Honela, denboraldiko azkenaurreko jardunaldiaren aurkezpen saioa ospatu da gaur goizean Bermeoko Arrantzale Museoan, eta bertan izan dira Idurre Bideguren, Bermeoko alkatesa; Irune Ormaetxea, Bermeoko Udaleko kirol zinegotzia; eta Agustín Aramburu, Urdaibai Aviako presidentea.