LEHIAKETA

16 Ira 2023

Sanpedrotarrak hartu du aurrea play offean

Gipuzkoarrek 5 puntu dituzte, eta Bueu izan da bigarren sailkatua.

San Pedro azkarrena izan da Bermeoko uretan jokatu den play offetako lehen jardunaldian, eta bost puntu lortu ditu play offetan. C.M. Bueu-Simei, Galiziako ligako txapeldunordea, bigarren izan da, Ares txapeldunaren aurretik.

Itsasoko Ama Santurtzik, Eusko Label Ligako jarraipena defendatzen zuenak, denborarik onena egin du lehen ziabogan, baina hortik aurrera ezin izan diote erritmoari eutsi, eta segundoak galtzen joan dira, San Pedro irabazlearengandik zortzi segundora helmugaratu arte.

Lapurdi-Antton Bilbao, galiziarren denboretan mantendu da lehen bi luzeetan, baina azkenean Sanpedrotarrarengandik 6 segundora iritsi da.

Sanpedrotarrak 20:12ko denbora egin du, Eusko Label Ligara igotzeko play offetako lehen bost puntuak eskuratuz. Bueu, helmugara bi segundotara helduta, 4 puntu. Ares hirugarrena izan da San Pedrorengandik hiru segundora, hiru puntu lortuz, eta Lapurdik eta Santurtzik bi eta bat lortu dituzte, hurrenez hurren.
 

Itzuli