Novas 2015
COMPETICION
28 Ago 2015
Adeus ao segundo bloque da tempada
Este fin de semana desputaranse as dúas derradeiras xornadas do segundo bloque da tempada: a VI Bandeira de Bilbao o sábado e a XXXII Bandeira Petronor no domingo
A tempada regular da Liga San Miguel chega ao seu fin coa desputa da décimo sexta e décimo sétima xornadas do calendario. O sábado vaise pór en xogo a VI Bandeira de Bilbao e o domingo, Zierbena acollerá unha nova edición da Bandeira Petronor. Coa desputa destas dúas xornadas darase por concluído o segundo bloque da competición. Tras este fin de semana, só restarán as dúas xornadas finais da Liga San Miguel, onde competirán os 8 primeiros da clasificación xeral e os participantes do playoff, o vindeiro 19 e 20 de setembro.
A composición das quendas para estas dúas regatas farase en base á clasificación xeral da Liga San Miguel, que chega do seguinte xeito: NT2 Hondarribia segue no liderado con 172 puntos, seguido por Urdaibai Avia e Orio Babyauto, con 154 e 134 puntos respectivamente. Kaiku Producha pecha a quenda de honra con 120 puntos. San Juan Iberdrola situase na quinta posición con 109 puntos, seguido moi de perto polas embarcacións galegas de Tirán Pereira, con 108, e Cabo, con 105. San Pedro Ecolmare trata de se agarrar a este grupo perseguidor con 96 puntos. Por último, na primeira quenda, Astillero chega na novena posición con 66 puntos, seguido por Zierbena Bahías de Bizkaia con 56 puntos. Portugalete Eulen e Samertolameu Rodman Group pechan a clasificación con 31 e 19 puntos respectivamente.
No que respecta ao Trofeo "la Caixa" ao Mellor Patrón, Irakoitz Etxeberria, de Orio Babyauto lidera a clasificación con 17 puntos, seguido moi de perto por Gorka Aranberri, de Urdaibai Avia, con 13 puntos. Na terceira posición temos a Jon Ormazabal e Endika Pérez, patróns de San Juan Iberdrola, con 12 puntos.
O sábado a partir das 18:00 horas desputarase a sexta edición da Bandeira Bilbao. Catro delas formaron parte do calendario da Liga San Miguel, onde houbo catro gañadores distintos: Orio Babyauto en 2007, Castro en 2008, Kaiku Producha en 2011 e NT2 Hondarribia na tempada pasada. Precisamente, o ano pasado, a embarcación patroneada por Ioseba Amunarriz marcou o mellor tempo deste campo na Liga San Miguel, parando o crono en 19'34"54. A diferenza máis pequena entre os dous primeiros clasificados aconteceu no 2008, cando Castro sacou unha vantaxe de 1"21 sobre Orio Babyauto na meta. E a diferenza máis alta tivo lugar no 2007 cando NT2 Hondarribia chegou á meta 13"32 despois de Orio Babyauto. No 2012 desputouse a IV Bandeira de Bilbao dentro do calendario da competición, e a vitoria foi para NT2 Hondarribia, con un tempo de 20'33"50, pero esta regata non foi puntuábel para a clasificación xeral.
O domingo ás 12:00 horas chegará o turno da XXXII Bandeira Petronor, que se desputará en augas de Zierbena. NT2 Hondarribia venceu en 2012 con un tempo de 20'18"24, avantaxando en 4"42 ao segundo clasificado, Tirán Pereira. O ano pasado porén, viviuse un final de regata moi apertado, onde Urdaibai Avia, con un rexistro de 19'24"42, mellorou en 0"32 o tempo en meta de NT2 Hondarribia.