ESPECIAL

19 Ago 2023

Bermeo Urdaibai domina na primeira xornada de Zarautz

Os líderes da Liga Eusko Label foron os vencedores da primeira xornada da XLVI Ikurriña de Zarautz tras unha espectacular regata.

Bermeo Urdaibai (20:12) gañou a primeira xornada da Ikurriña de Zarautz tras racharen a quenda no segundo longo. Aí foi cando comezaron a aumentar a vantaxe sobre os seus perseguidores, rematando a quenda con autoridade, e unha vantaxe de oito segundos sobre o gañador da segunda quenda, Orio Orialki.

Donostiarra Amenabar Ur Kirolak e Hondarribia pelexaron pola segunda praza da quenda. Lonxe dos tempos tanto da Bou Bizkaia como da San Nikolas, e finalmente cederon 18 e 20 segundos respectivamente. Serán as catro traiñeiras que mañá vogarán na terceira quenda, xa que Zierbena Bahías de Bizkaia non puido superar o tempo de Orio Orialki, e foi quinta na xornada de hoxe.

Grazas á vitoria, a Bou Bizkaia volta gozar con seis puntos de vantaxe na clasificación xeral da Liga Eusko Label, con 152 puntos, e os 146 de Hondarribia. Zierbena Bahías de Bizkaia afástase un chisco da cabeza da clasificación con 144 puntos.

Donostia Arraun Lagunak asume a lideranza en Zarautz
Donostia Arraun Lagunak gañou na primeira xornada da Ikurriña de Zarautz cun tempo de 11:07 minutos. No primeiro longo Orio Orialki foi superior, pero as dúas traiñeiras que lideran a Liga Euskotren chegaron á par á ceavoga. Aí é cando a traiñeira donostiarra comezou a dominar, e as de Andrea Astudillo mantiveron a vantaxe até a meta.

A loita pola segunda praza foi moi igualada con Orio Orialki (+6) e Nortindal Donostiarra Ur Kirolak (+7) apertando até a derradeira pada, onde as de Nadeth Aguirre finalmente entraron antes a meta. A cuarta traiñeira que vogará mañá na quenda de honra será Tolosaldea, moi atrasada na xornada de hoxe.

Con esta vitoria Donostia Arraun Lagunak (88 puntos) dá un paso de xigante cara a consecución da Liga Euskotren, xa que a falta dunha xornada ten 7 puntos de vantaxe sobre Orio (81). 

Voltar