ACT TV

ENTREVISTAS

15 Xu˜ 2021

"Cun plantel máis curto, seremos un equipo de canteira"

"Cun plantel máis curto, seremos un equipo de canteira"

Jon Salsamendi, adestrador de Orio Orialki sabe cales son as limitacións que terá o seu equipo nesta tempada, mais quere que sexa unha fortaleza contar con tantos canteiráns.

Jon Salsamendi adestrará por quinta tempada consecutiva o Orio Orialki nesta segunda etapa. A situación do plantel variou durante estes anos, mais iso non é escusa para o adestrador oriotarra. “Dos cinco anos que levo agora en Orio, este é o ano en que dispomos dun menor número de remeiros, tanto no primeiro equipo como no segundo equipo. Iso é un hándicap, porque para alén de sermos menos, temos menos forza. Ademais, as características dese bloque mudaron significativamente, e será un equipo moi canteirán, tendo 8 ou 9 remeiros da casa en cada aliñación. O traballo de inverno é facer que isto último sexa o noso potencial”, advirte Salsamendi. 

A poucas semanas de comezar a Liga Eusko Label, ve o seu equipo con vontade de que chegue a competición, e seguir mellorando diariamente até a primeira regata. “Temos a sensación, de ter que aproveitar todos os días que temos até que chegue a primeira regata, e seguir nunha mellora constante até o remate da tempada”, admite o adestrador aguilucho. 

En canto aos obxectivos marcados para o equipo, admite que non se marcan ningún para alén da mellora diaria. Chegarán á primeira regata da Liga Eusko Label con vontade de seguir a mellorar, sen especificar un obxectivo no que se refire á clasificación. 

En canto á loita pola Coroa CaixaBank, Salsamendi admite que, como na tempada pasada, procurarán estar na Quenda de Honra, incluíndo nesa pelexa a Zierbena Bahías de Bizkaia e inclusive a Donostiarra Amenabar. “Se algún destes entran, a respecto da temporada pasada, algún terá que saír, e o que lle aconteceu a Hondarribia o ano pasado poderanos pasar mesmo a nós”. 

Por último, Salsamendi admite que para el hai un equipo que parte como favorito. “O actual equipo é Santurtzi Transportes y Gruas Aguado, e este ano ten un equipo mellor, con máis xente e máis forte. Seguramente cun ano máis de experiencia yeserá difícil pelexar contra eles”.

Voltar