Novas 2016
COMPETICION
24 Mai 2016
O playoff, no punto de mira
Seis embarcacións da ARC e catro da LGT aspiran a colárense na batalla do playoff e que lles permita no ano que vén ser parte da máxima competición
A Liga San Miguel voltará pór en xogo o vindeiro 17 e 18 de setembro en Bermeo e Portugalete o playoff de ascenso e ao que presentaron candidatura para facer parte nel un total de 10 embarcacións que chegarán da ARC e da LGT. No caso da liga galega, Ares, Puebla, Mecos Mondáriz e Samertolameu Rodman Group serán os candidatos ás prazas. Mentres que da parte da ARC, Deustu, Lekittarra, Getaria, Ondarroa, Kaiarriba-Donostiarra e Pedreña pugnarán por un dos dous billetes que se porán en xogo. Cómpre sinalar que, ademais dos dous mellores da ARC e os dous mellores da LGT, o penúltimo clasificado da Liga San Miguel 2016 tamén fará parte desta batalla, mentres que o último clasificado descenderá automaticamente.
Un playoff do que o ano pasado saiu vitoriosa Zumaia, tras dominar ambas xornadas e adxudicarse a súa praza para vogar na Liga San Miguel. Pero ademais da ‘Telmo Deun’, Portugalete Eulen conseguiu defender a súa praza na máxima competición tras unha apretada loita frente a Getaria.