Novas

ESPECIAL

30 Set 2021

Zarautz e Ares gozan co premio final do Concurso BM

Zarautz e Ares gozan co premio final do Concurso BM Zarautz e Ares gozan co premio final do Concurso BM

Con cadanseus catro acertos, impuxéronse ante o resto dos equipos

Coa participación de todos os equipos da Liga Eusko Label e da Liga Euskotren no Concurso BM, e tras analizar todos os vídeos, temos os gañadores do Concurso. Zarautz Gesalaga Okelan e CR Ares , con cadanseus catro acertos, foron os mellores concursantes e quen levan o premio final de BM.

Cada equipo contou cun minuto de xogo, onde un deportista debuxaba os produtos BM e algúns intrusos do mundo de remo que se agachaban detrás dos cartóns, mentres que o outro deportista tiña que atinar co deseño do seu compañeiro.

Joanes Elizondo e Aitor Elizondo foron os representantes da Enbata, mentres que Adrián Cordero e Pedro Carro facían o mesmo coa Santa Olalla. Os zarauztarras metéronse a liderar a clasificación ao superaren o traballo dos hondarribitiarras, que aguantaron durante varias semanas no máis alto da clasificación. Joanes e Aitor, ademais de superaren os tres acertos, atinaron o kiwi no segundo 52 do xogo, o que os aupaba ao liderado. Os galegos, pola súa banda, unha semana despois, atinaron o cuarto debuxo no segundo 55 igualando o concurso dos zarauztarras. 

Joanes e Aitor achegáronse a un Supermercado BM da localidade gipuzcoana a recolleren o premio Final. Como gañadores, recibiron un peixe fresco do día. Unha pescada de case dous quilos. Pola súa banda, como colíderes, Adrián e Pedro tamén recibiron unha variedade de produtos do Supermercado como premio. Despois dunha intensa tempada, Ares e Zarautz poderán coller un merecido descanso canda o premio final do Concurso BM. 

ZORIONAK! PARABÉNS!

Así ficou a clasificación xeral do Concurso BM:
1.-  Zarautz Gesalaga Okelan                        4 puntos
     CR Ares                                                    4 puntos
3.- GO fit Hondarribia                                   3 puntos
      Hondarribia Bertako Igogailuak              3 puntos
5.- Ondarroa Cikautxo                                   2,5 puntos
6.-  Santurtzi Transportes y Gruas Aguado   2 puntos
       Orio Orialki (Eusko Label Liga)            2 puntos
       Lekittarra Elecnor                                   2 puntos
       Zierbena Bahías de Bizkaia                    2 puntos
10.- CR Cabo da Cruz                                   1 punto
        Orio Orialki (Euskotren Liga)               1 punto
        Donostia Arraun Lagunak                     1 punto
        Donostiarra Lacturale                            1 punto
        SD Tirán Pereira                                    1 punto
        Donostiarra Amenabar                           1 punto
        Bermeo Urdaibai Avia                           1 punto

Voltar