LEHIAKETA

27 Uzt 2024

Bermeo Urdaibai nagusitu da Getxoko uretan

Loria dastatzen jarraitzen dute bermeotarrek Eusko Label Ligan.

Bermeo Urdaibai nagusitu da gaur ere Getxoko uretan. Liderrek gertu izan dute Zierbena une oro, baina eurak izan dira azkenean gaurko estropadako lehenak. Gorka Aranberrik gidatutako traineruak 19.49,32ko denboran amaitu du estropada eta Zierbenak berriz 3.70 segundo gehiago behar izan ditu. Orio izan da hirugarren, liderrekiko 13.66 segundoko atzerapenarekin, eta bigarren txandan arituagatik, laugarren denbora onena Donostiarrarena izan da. 

Ondorengoa da Eusko Label ligako sailkapena momentu honetan: 105 puntu ditugu dagoeneko Urdaibaik, eta eurena da hortaz lehen postua. Bigarrena Zierbena da 97 punturekin, hirugarrenak horiak 82rekin eta laugarrena Donostiarra, 79rekin.

Arraun Lagunakek garaiezin jarraitzen du

Arraun Lagunakek garaiezin izaten jarraitzen du Euskotren Ligan. Zortzi puntu eskuratu dituzte gaurkoan ere, lanak 10:37:36ko denboran amaituta. Bigarren posturako borroka handia egon da Donostiarra eta Orioren artean, eta azkenean, Donostiarra izan da azkarrena: Rufo Urtizberearen neskek 15.42 segundu galdu dituzte, eta oriotarrek, berriz, 15.80. Laugarren postuan, bigarren txandan aritu den Hondarribia ailegatu da, liderrarekiko 20.08ko atzerapenarekin. Hortaz, bihar Lekeition ohorezko txandan lehiatuko dira berdeak.

Euskotren Ligako lehen postuan jarraitzen du Arraun Lagunakek 72 punturekin, Oriok 54 ditu, eta Tolosaldeak eta Donostiarrak 52 dituzte.

Itzuli