LEHIAKETA

12 Aza 2024

CaixaBankek Donostian eta Bermeon dituen bulegoek txapeldunen irudiak dituzte jada

Finantza erakundeak bi bulegoak tematizatu ditu eta traineru irabazleen posterrak banatuko ditu.

Donostia Arraun Lagunak eta Bermeo Urdaibai taldeen denboraldi historikoa ez da oharkabean igaro, eta CaixaBankek Donostiako Urbieta kalean duen bulegoak eta Bermeoko Prantzisko Deuna Atea plazan dagoenak Euskotren Ligako eta Eusko Label Ligako txapeldunen irudiak dituzte.

Bi bulegoek protagonistak errepikatu dituzte, Bou Bizkaiak eta Lugañenek beren tituluak berretsi baitituzte. Gainera, bizkaitarrek Eusko Label Liga hiru aldiz jarraian irabazi ondoren, CaixaBank Koroa jabetzan eskuratuko dute.

Donostiako Urbieta kaleko bulegoak Donostia Arraun Lagunakeko arraunlariak hartu zituen dekorazio berria aurkezteko. Lugañeneko ordezkaritzari harrera egin zioten Emilio Cuadradok, CaixaBankek Donostialdean duen negozio-arloko zuzendariak, eta Nicolás Sotresek, CaixaBankek Donostiako Urbieta kalean duen bulegoko zuzendariak.

"Hemen dugu, Donostian, errekor guztiak hautsi dituen ontzia, jokoan jarri ziren bandera guztiak eskuratuz, hau gure txapeldunak omentzeko modu zoragarria da", nabarmendu zuen Emilio Cuadradok.

Itziar Eguren, Donostia Arraun Lgunak elkarteko presidentea, eta Xubane Uribarrena, Donostiako klubeko arraunlaria, bat etorri ziren bulegoaren tematizazioa "denboraldiko lorpen guztien lekuko" dela esatean, eta "opari" gisa hartu zuten Gipuzkoako hiriburuko kale nagusietako batean egon ahal izatea.

Posterrak Donostiako eta Bermeoko CaixaBanken bulegoetan
Zaleek Arraun Lagunak taldearen posterrak doan eros ditzakete Donostiako Urbieta kaleko 32. zenbakian dagoen bulegoan. Bermeoko Prantzisko Deuna Atea Plazan, berriz, Bou Bizkaia txapelketako txapeldunena eskuratu ahal izango dute.

Itzuli