Novas 2023
COMPETICION
16 Set 2023
Sanpedrotarra ponse á frente no play off
Os guipuscoanos suman 5 puntos, mentres que Bueu foi a segunda clasificada
San Pedro foi o máis rápido na primeira xornada dos play offs desputados en augas de Bermeo, e suma os cinco puntos nos play offs. C.M. Bueu-Simei, subcampión da liga galega, foi segundo, por diante do campión Ares.
Itsasoko Ama Santurtzi, que defendía a continuidade na Liga Eusko Label, marcou o mellor tempo na primeira ceavoga, pero a partir de aí non deron aguantado o ritmo, e foron perdendo segundos, até cruzaren a liña de meta a oito segundos do gañador, San Pedro.
Lapurdi-Antton Bilbao, que se mantivo nos tempos dos galegos nos dous primeiros longos, chegou finalmente a 6 segundos da Sanpedrotarra.
A tripulación sanpedrotarra marcou un tempo de 20:12, sumando así os primeiros cinco puntos nos play offs de ascenso para a Liga Eusko Label. Bueu, que cruzaba a liña de meta a dous segundos, suma 4 puntos. Ares foi a terceira a tres segundos de San Pedro, mentres que Lapurdi e Santurtzi sumaron dous e un punto, respectivamente.