COMPETICION

27 Xul 2024

Bermeo Urdaibai imponse en augas de Getxo

Os bermeáns seguen a saborear a gloria na Liga Eusko Label.

Bermeo Urdaibai voltou imporse hoxe en augas de Getxo. Os líderes tiveron perto a Zierbena en todo momento, pero eles foron finalmente os primeiros da regata de hoxe. A traiñeira liderada por Gorka Aranberri rematou a regata nun tempo de 19.49,32 e Zierbena necesitou 3.70 segundos máis. Orio foi terceiro, con 13.66 segundos de retraso sobre os líderes, e o cuarto mellor tempo foi para Donostiarra, quen competiu na segunda quenda.

A clasificación da Liga Eusko Label é a seguinte: Urdaibai segue no primeiro posto e conta xa con 105 puntos. O segundo posto é de Zierbena que suma 97 puntos, os terceiros son os amarelos con 82 e Donostiarra é cuarto con 79.

Arraun Lagunak segue invencíbel
Arraun Lagunak segue invencíbel na Liga Euskotren. Hoxe tamén obtivo 8 puntos en Getxo, parando o crono nun tempo de 10:37:36. Houbo unha grande loita polo segundo posto entre Donostiarra e Orio, e finalmente as de Donosti foron as máis rápidas. As mozas de Rufo Urtizberea necesitaron 15.42 segundos máis que as gañadoras para remataren a regata, mentres que as oriotarras fixérono en +15.80. Hondarribia foi cuarta, e malia vogaren na segunda quenda, foi máis rápida que Tolosaldea. Chegaron con 20.08 segundos de retraso sobre as líderes e mañá competirán na quenda de honra en Lekeitio.

Arraun Lagunak segue a ocupar o primeiro posto da Liga Euskotren con 72 puntos, Orio ten 54, e Tolosaldea e Donostiarra están empatados con 52.
 

Voltar