Novas 2023
COMPETICION
20 Xul 2023
A Liga Eusko Label voltará a Castro-Urdiales grazas á Bandeira CaixaBank
A XI Bandeira CaixaBank desputarase este domingo, sendo a única xornada da Liga Eusko Label que se despute en augas cántabras
Este domingo, a Liga Eusko Label chegará á terceira comunidade autónoma, e é que Cantabria acolle a xornada dominical. Concretamente, a XI Bandeira CaixaBank disputarase por terceiro ano consecutivo en Castro-Urdiales, onde Hondarribia levou a bandeira nas dúas edicións anteriores.
Esta mañá presentouse no Concello da localidade cántabra a Bandeira que loce a estrela da entidade financeira e estará en xogo o domingo. Na presentación participaron Francisco Vilella concelleiro de deportes da localidade, Hector Alonso, Director de Área de Negocio de CaixaBank en Cantabria e Borja Rodrigo, Presidente da ACT.
Alonso indica que "repetimos nun territorio como o de Cantabria no que tivemos a Bandeira CaixaBank até en sete ocasións. Con esta elección queremos demostrar o noso compromiso con Cantabria, e tamén queremos seguir a apoiar a todos os que compoñen o mundo do remo cántabro e que tantos éxitos colleitaron ao longo da historia", sinala o Director de Área de Negocio de CaixaBank en Cantabria. Pola súa banda, a concelleiro destacou a importancia de ter as mellores traiñeiras de remo a competir na localidade.
Pola súa banda, o presidente da ACT amosouse moi satisfeito pola presenza da competición en augas cántabras. "Cantabria sempre tivo moita importancia na Asociación, e voltar a Castro-Urdiales, onde comezou a nosa andaina, sempre é motivo de alegría para nós, máis se cabe pola ausencia das traiñeiras na competición. Tamén queremos agradecer a CaixaBank a súa fidelidade na organización da Bandeira, que xa é un fixo no calendario da Liga Eusko Label", indica Rodrigo.
QUENDAS SEGUNDO A XORNADA ANTERIOR
A xornada do domingo comezará ás 12:15 coas primeiras catro traiñeiras aliñadas na liña de saída. Concretamente serán as catro traiñeiras que peor rexistro obteñan na regata do sábado en Sestao. Ás 12:44 sairán as seguintes catro traiñeiras, mentres que ás 13:13 horas comezarán a vogar as catro mellores traiñeiras da xornada anterior.
Igual que na tempada pasada, a FAN ZONE ubicarase no Paseo Ocharan Mazas, no comezo do peirao de Don Luis, onde se ubica a zona técnica da regata. Neste espazo, os afeccionados que se acheguen poderán vivir unha experiencia única antes, durante ou despois da regata. E é que sempre é unha boa opción compartir co resto dos afeccionados a paixón polas regatas, e a FAN ZONE é un bo lugar para isto.