Novas 2017
ESPECIAL
04 Xul 2017
Xa chega a Liga Euskotren
Os xornalistas que cubren a actualidade do mundo do remo analízannos esta nova tempada da competición feminina
Esta fin de semana, dará comezo a Euskotren Liga 2017, coincidindo coa terceira e cuarta xornada da Eusko Label Liga. As 10 traiñeiras participantes loitarán por facérense con un dos catro postos que dan dereito a competir por conseguir o ansiado Trofeo Euskotren. O sábado desputarase a V. Orio Kanpina Bandera, na desembocadura do río Oria e o domingo a batalla terá lugar en San Sebastián ás 12.00 horas, con motivo da VI. Euskotren Bandera. Os xornalistas que fixeron o prognóstico da liga masculina, déronnos a súa visión particular da actual liga feminina. Os xornalistas foron Alfonso Herrán (Diario AS), Imanol Arruti (Onda Vasca), Jokin V. de Lecea (Deia) e Oskar Ortiz de Guinea (El Diario Vasco).
Arruti ve “poucas mudanzas” nesta Euskotren Liga con respecto á do ano pasado, e ve a Hibaika Jamones Ancín “a dar guerra” a San Juan Iberdrola. Jokin V. De Lecea opina que ás mozas de Rentería aínda “lles falta un pouco” para chegaren ao seu mellor nivel. Pola súa banda, Herrán aposta polas ‘Batelerak’ para levaren o Trofeo Euskotren. Por último, Ortiz de Guinea cre que a loita pola cuarta praza “será divertiva”, con varios aspirantes a ocuparen ese posto.