Novas 2024
COMPETICION
12 Nov 2024
As oficinas de CaixaBank en Donostia e Bermeo xa locen as imaxes dos campións e as campioas
A entidade financiera volta tematizar ambas oficinas e repartirá pósters das traiñeiras campioas.
A histórica tempada de Donostia Arraun Lagunak e Bermeo Urdaibai non pasou desapercibida e as oficinas de CaixaBank da rúa Urbieta de Donostia e mais a situada na praza Prantzisko Deuna Atea de Bermeo locen xa as imaxes das campioas e os campións da Liga Euskotren Liga e da Liga Eusko Label.
Ambas as dúas oficinas repiten protagonistas xa que tanto a Bou Bizkaia como a Lugañene revalidaron os seus títulos. Ademais, os biscaínos tras gañaren a Liga Eusko Label 3 veces consecutivas, ficarán coa Coroa CaixaBank en propiedade.
A oficina da rúa Urbieta de Donostia acolleu as remeiras de Donostia Arraun Lagunak para inauguraren a nova decoración, aa delegación da Lugañene foi recibida por Emilio Cuadrado, director de área de negocio de CaixaBank en Donostialdea e Nicolás Sotres, director da oficina de CaixaBank na rúa Urbieta de Donostia.
"Temos aquí en Donostia, a embarcación que rachou todos os récords, levando todas as bandeiras que estiveron en xogo, daquela, este é un xeito fantástico de homenaxearmos as nosas campioas", destacou Emilio Cuadrado.
Itziar Eguren, presidenta de Donostia Arraun Lagunak e Xubane Uribarrena, remeira do club donostiarra, coincidiron na tematización da oficina ser testemuña dos "logros obtidos durante a tempada" e consideran un "agasallo" poderen estar presentes nunha das rúas principais da capital gipuzkoana.
Pósters nas oficinas de CaixaBank de Donostia e Bermeo
Os afeccionados poden adquirir os pósters de Arraun Lagunak de xeito gratuíta na oficina da rúa Urbieta nº 32 de San Sebastián. Mentres que na oficina Prantzisko Deuna Atea Plaza de Bermeo, poderán levar o dos campións da Bou Bizkaia.